Papia ta nada, Komuniká t’e kos

About the Book

E arte di komunikashon ta un instrumento mashá nesesario pa éksito. E abilidat pa kompartí un pensamentu of idea ku otro, na un manera kla, konsiso i ku konvikshon, a bira algu indispensabel pa un persona ku ke funshoná ku efektividat. Tantu bal un bon idea, si no por formul’é. Tantu bal un splikashon, si niun hende no a komprendé. Tantu bal un tremendo mensahe, si no por tresé elokuentemente. Si bo tin ku marka por lo menos tres (3) di e puntonan aki bou, e buki aki ta skirbí p’abo [ ] mi tin miedu di para dilanti di un grupo i papia [ ] mi ke sa kon dominá e tenshon promé i durante un presentashon [ ] mi ke siña formulá i ekspresá mi ideanan mihó [ ] mi ke sa kon komuniká na lugá di simplemente papia

About the Author

D’arcy Lopes pa medio di su kompania ‘D-D Training Institute & Consultancy’ na Curaçao ta ofresé kursonan di ‘Public Speaking’, ‘Motivashon’, ‘Teambuilding’ i ‘Reunionnan Efisiente i Efektivo’. Komunikashon ta su pashon. El a studi’é, praktik’é i ta siña otr’é. Su orguyo ta éksito di su kursistanan. Intenshon di e publikashon aki ta, pa mas tantu hende komprendé e arte di komunikashon i aplik’é pa elevá nan mes i tur hende ku nan tin kontakto kuné.